Geguritan

Arep Dadi Apa Negara iki!

Penak tuku,

Tinimbang terus ngenteni

Patang taun ngel-angele anggonmu ngudi

Patang taun bot-abote anggonmu ngungsi

Karep urip bisa luwih edi

Karep urip bisa luwih mulya tinimbang wingi-wingi

Penak tuku,

Tinimbang terus ngenteni

Nanging, arep dadi apa Negara iki?

Yen saben-saben kepinteran mung kanggo idhi

Kalah karo sing pawitane gedhi

Kalah karo sing dulurane wis padha dadi

Ndhus, nganti kapan arep ngenteni

Wis gek ndang melua idhi

Jarene luwih penak tinimbang terus ngenteni

Kapinteranmu simpenen dhisik dina iki

Merga ilmu saiki wis tanpa pangaji

Merga pinter saiki dudu barang sing njanjeni

Penak tuku

Tinimbang terus ngenteni

Ora sah mikir dhisik

Mbuh arep dadi apa bakale Negara iki

Kurawa lan Pandhawa

aku kang terus lumaku

tanpa nduga menawa kurawa mbujuk laku

kang gawe horeg dhadhaku

budheg kupingku

kaya atiku bakal oncat

marang bebener

aku kang terus lumaku

tanpa nduga menawa pandhawa mbujuk laku

aja nganti kelangan nurani

sing endah ora lumebu ing kalbu

nyuwuna keslametan marang gusti

anindakna rukun Islam lan iman ing jagad pewayang iki.

Dosa

Janma tinitah ing donya

Dening Hyang Suksma

Tan ngerti arep nglakoni apa

Golek amal apa golek dosa?

Kang nyata

Akeh sing golek dosa

Tinimbang amal akherat donya

Gusti. . .

Aku iki mung kawula

Kang kakehan dosa ing donya

Sing ora gelem urip rekasa

Nanging pengin mlebu swarga

Gusti. . .

Aku njaluk pangapura

Amarga aku kakehan dosa

Sadurunge aku pralaya

About these ads
Categories: sastra | Tinggalkan komentar

Navigasi tulisan

Tinggalkan Balasan

Isikan data di bawah atau klik salah satu ikon untuk log in:

WordPress.com Logo

You are commenting using your WordPress.com account. Logout / Ubah )

Twitter picture

You are commenting using your Twitter account. Logout / Ubah )

Facebook photo

You are commenting using your Facebook account. Logout / Ubah )

Google+ photo

You are commenting using your Google+ account. Logout / Ubah )

Connecting to %s

Blog pada WordPress.com. The Adventure Journal Theme.

Ikuti

Get every new post delivered to your Inbox.

Bergabunglah dengan 276 pengikut lainnya.

%d bloggers like this: