Riwayat Kurban (Dhandhanggula)

Riwayat Kurban

(Dhandhanggula)

dening Ki Sustam Mulyadi

1. Kadhawuhake aneng Qur’an suci

Nabi Ibrahim konjem ndedonga

Ndedonga mring Pangerane

Kanthi ati tumungkul

Mugi Paring yoga kang aris

Allah hanampi donga

Bebungah tumurun

Alelantar Siti Hajar

Putra jalu hamiyos nama Ismail

Yekti suka ing ndriya

2. Lakonira Ibrahim Ismail

Ismail wus bisa mbantu karya

Mbantu karya mring bapakne

Ibrahim nampi wahyu

Kadhawuhan mragat Ismail

Yekti dhawung ‘king Allah

Pacoban Satuhu

Ibrahim tan bisa selak

Enggal enggal manggihi putra Ismail

Angucap kanthi sabar

3. Heh, Ismail yekti yoga mami

Mirengna bapa arsa angucap

Hangucap kang sanyatane

Bapa anampi wahyu

Kang arupa pacoban yekti

Amrih amragat sira

Piye panemumu

Ismail bening anrawang

Nampi dhawuh kanthi galih kang arif

Wasana ikhlas ngucap

4. Bapa kula, kang kula bekteni

Dhawuh Allah enggal katindakna

Mugi manggih ing ikhlase

Ibrahim Ismail niku

Kekarone teladhan yekti

Tongkat dhawuhing Allah

Nadyan awrat swau

Ismail kaganti gibas

Kalenggengken mring pra umat samangkin

Yeku riwayat kurban

Categories: sastra | Tinggalkan komentar

Navigasi pos

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Buat situs web atau blog gratis di WordPress.com.

%d blogger menyukai ini: